When to Read Shiv Chalisa

जय गणेश गिरिजा सुमन, मंगल मूल सुजान। 

कहत अयोध्यादास तुम, देहु अभय वरदान ॥

जय गिरजापति दीनदयाला। सदा करत सन्तन प्रतिपाला ॥

भाल चन्द्रमा सोहत नीके। कानन कुण्डल. नागफनी के ॥

अंग गौर शिर गंग बहाये। मुण्डमाल तन छार लगाये ॥

वस्त्र खाल बाघम्बर सोहे। छवि को देख नाग मुनि मोहे ॥

मैंना मातु कि हवे दुलारी। वाम अंग सोहत छवि न्यारी ॥

कर त्रिशुल सोहत छवि भारी । करत सदा शत्रुन क्षयकारी ।। 

नन्दि गणेश सोहैं तहँ कैसे। सागर मध्य कमल हैं जैसे ॥ 

कार्तिक श्याम और गणराऊ। या छवि को कहि जात न काऊ ॥ 

देवन जबहीं जाय पुकारा। तबहीं दुःख प्रभु आप निवारा ॥ 

किया उपद्रव तारक भारी । देवन सब मिलि तुमहिं जुहारी ॥ 

तुरत षडानन आप पठायउ । लव निमेष महं मारि गिरायऊ ।।

आप जलंधर असुर संहारा। सुयश तुम्हार विदित संसारा ॥ 

त्रिपुरासुर सन युद्ध मचाई। सबहिं कृपा कर लीन बचाई ॥ 

किया तपहिं भागीरथ भारी। पुरब प्रतिज्ञा तासु पुरारी ॥ 

दानिन माँ तुम सम कोई नाहिं । सेवक स्तुति करत सदाहीं ॥

वेद नाम महिमा तव गाई। अकथ अनादि भेद नहिं पाई ॥ 

प्रगटी उदधि मंथन में ज्वाला। जरे सुरासुर भये विहाला ॥ 

कीन्हीं दया तहँ करी सहाई। नीलकण्ठ तब नाम कहाई ॥ 

पूजन रामचन्द्र जब कीन्हा। जीत के लंक विभीषण दीन्हा ॥ 

सहस कमल में हो रहे धारी। कीन्ह परीक्षा तबहिं पुरारी ॥ 

एक कमल प्रभु राखे जोई। कमल नयन पूजन चहं सोई ॥ 

कठिन भक्ति देखी प्रभु शंकर। भए प्रसन्न दिए इच्छित वर ॥
जै जै जै अनन्त अविनासी। करत कृपा सबके घटवासी ॥

 दुष्ट सकल नित मोहि सतावै । भ्रमत रहौं मोहि चैन न आवै ॥ 

त्राहि त्राहि मैं नाथ पुकारो। यहि अवसर मोहि आन उबारो ॥

लै त्रिशुल शत्रुन को मारो। संकट से मोहि आन उबारो ॥ 

मातु पिता भ्राता सब कोई। संकट में पूछत नहीं कोई ॥ 

स्वामी एक है आस तुम्हारी। आय हरहु मम संकट भारी ॥ 

धन निर्धन को देत सदाहीं। जोई कोई जाँचे वो फल पाहीं ॥ 

अस्तुति केहि विधि करों तिहारी। क्षमहुनाथ अब चूक हमारी ॥ 

शंकर हो संकट के नाशन। मंगल कारण विघ्न विनाशन ।।

योगि यति मुनि ध्यान लगावैं। नारद शारद शीश नवावैं ॥ 

नमो नमो जय नमो शिवाये। सुर ब्रह्मादिक पार न पाए।। 

जो यह पाठ करे मन लाई। तापर होत हैं शम्भु सहाई ॥ 

ऋनिया जो कोई हो अधिकारी। पाठ करे सो पावन हारी ॥

पुत्रहीन इच्छा कर कोई। निश्चय शिव प्रसाद तेहि होई ॥ 

पंडित त्रयोदशी को लावे। ध्यान पूर्वक होम करावे ॥ 

त्रयोदशी व्रत करे हमेशा। तन नहिं ताके रहे कलेशा। 

धूप दीप नैवेद्य चढ़ावे । शंकर सम्मुख पाठ सुनावे॥ 

जन्म जन्म के पाप नसावे । अन्त वास शिवपुर में पावे ॥ 

कहै अयोध्या आस तुम्हारी। जानि सकल दुःख हरहु हमारी ॥